Comhairle Cathrach Bhaile Átha Cliath

SOILSIÚ GEIMHRIDH BHAILE ÁTHA CLIATH

December 2025 – 25 locations – 1 ticketed event

Bíodh blas den draíocht agat i Lár Chathair Bhaile Átha Cliath agus faigh léargas air nach raibh agat roimhe seo. Agus 25 suíomh ar fud na cathrach i gceist leis, idir shoilse suntasacha agus ghníomhaíochtaí idirghníomhacha, is eispéireas é anseo a mbainfidh cách taitneamh as.

Déanfar foirgnimh, droichid agus sainchomharthaí clúiteacha ar fud Bhaile Átha Cliath a athrú ó bhonn go maorga, a bhuí le suiteáin agus teilgin solais iontacha a dhear ealaíontóirí náisiúnta agus idirnáisiúnta mór le rá. Bain taitneamh as léirithe dallraitheacha ag Páirc Chearnóg Mhuirfean agus ag Ard-Oifig an Phoist agus bain sult as eispéiris nua iontacha solais a bheidh ar siúl ag Caisleán Bhaile Átha Cliath, Cearnóg Wolfe Tone, feadh na Life agus Cearnóg Theach an Tionóil.

2025

Suíomhanna agus Léarscáil

Gach suíomh

Duga Sheoirse

Lasfaidh 100 ga solais cumhachtacha an spéir le ‘Céad’, suiteán soilsithe atá mar chuid den léiriú ‘Soilse Geimhridh Bhaile Átha Cliath de chuid Chomhairle Cathrach Bhaile Átha Cliath’, i gcomhar leis an Dearthóir Soilsithe Sonya Fossett agus léiritheoir agus ealaíontóir ceoil leictreonaigh Caolan Ryan.

Duga na Canálach Móire

I gcomhar leis an rinceoir gairmiúil Jessie Thompson, cuireann ‘Soilsiú Geimhridh Bhaile Átha Cliath de chuid Chomhairle Cathrach Bhaile Átha Cliath’ saothar léirithe atá saindeartha go speisialta ina mbuaileann solas agus uisce chun rince ar scáileán uisce atá 40 méadar ar leithead.

Teach an Chustaim

Teilgfear íomhánna ildathacha leis an ealaíontóir Éireannach James Earley ar an bhfoirgneamh cáiliúil seo ón 18ú haois.

Droichead na Mílaoise

Tá na háirsí bogha báistí ildathacha ar ais arís le haghaidh ‘Soilse Geimhridh Bhaile Átha Cliath de chuid Chomhairle Cathrach Bhaile Átha Cliath’ 2025.

Banc Newcomen

I gcomhar le Visual Spectrum Studios i mBéal Feirste, déanfaidh ‘Soilse Geimhridh Bhaile Átha Cliath de chuid Chomhairle Cathrach Bhaile Átha Cliath’ teilgmhapáil ar Bhanc Newcomen, mar a bhíodh.

Halla na Cathrach

Beidh téama féilire Aidbhinte ag an teilgmhapáil ildathach ó Lightscape Studios, a bheidh á teilgean ar Halla na Cathrach.

Sráid an Pháláis

Beidh saothair ealaíne ó Chomórtas Ealaíne Geimhridh bliantúil do Leanaí á dteilgean ar thaobh an fhoirgnimh ar Shráid an Pháláis.

An Túr Solais

Éireoidh an Túr Solais ina lóchrann solais a bheidh le feiceáil ar feadh na mílte agus gathanna solais á dteilgean sa spéir.

Sráid Uí Chonaill - Crainn

Le soilsiú dath-athraitheach LED, athrófar ar na crainn feadh Shráid Uí Chonaill ó bhonn.

Dealbh Uí Chonaill ar Shráid Uí Chonaill

Mar chomóradh 250 bliain bhreith Dhónaill Uí Chonaill, soilseoidh suiteán soilsithe nua an dealbh chlúiteach seo ar bharr Shráid Uí Chonaill.

Droichead Samuel Beckett

Tiocfaidh beocht i nDroichead Samuel Beckett agus sraith íomhánna ag gluaiseacht thar an droichead cáiliúil sin.

Droichead James Joyce

Déanfaidh an suiteán solais mórscála dath-athraitheach athrú ó bhonn ar an droichead cruach thógála aonréise agus a áirsí uilleacha sainiúla.

Iosta Digiteach

Déanfar Túr Pádraig, seanmhuileann dín inghluaiste, a shoilsiú arís le teilgin dhigiteacha.

Cearnóg Theach an Tionóil

Beidh os cionn 3,000 bolgán solais ar an suiteán soilsithe tríthoiseach tumthach seo. Is comhshaothar leis an dearthóir Anthony Murphy é ‘Meeting House Cubed’.

Cearnóg Bharra an Teampaill

Is cluiche a théann siar beagnach 1000 bliain é ‘an madra rua agus an ghé’. Is féidir le daoine ceann de na cluichí is ársa ar domhan a imirt ar bhealach nua leis an struchtúr solais mórscála seo i gcroílár na cathrach.

Droichead na Life

Beidh suiteán soilsithe dath-athraitheach ar Dhroichead clúiteach na Life.

Droichead Shráid Thalbóid

Dealbh sholais crochta is ea an suiteán soilsithe LED seo faoi dhroichead iarnróid Shráid Thalbóid.

Cearnóg Wolfe Tone

Beidh gluaiseacht na comaitéireachta laethúla le feiceáil ar bhalla braite gluaiseachta idirghníomhach déanta as picteilíní LED.

Geata Shráid an Pháláis

Déanfar an áirse isteach chuig Caisleán Bhaile Átha Cliath a athrú ó bhonn le teilgin solais dhinimiciúla, agus éireoidh sí ina bealach isteach ildathach a théann chuig dhá léiriú solais i gCaisleáin Bhaile Átha Cliath.

Caisleán Bhaile Átha Cliath - Clós Íochtarach

Teilgfear saothar ealaíne teilgmhapála a rinne an t-ealaíontóir Jack Phelan ar fhoirgneamh nuachlasaiceach i gclós íochtarach Chaisleán Bhaile Átha Cliath.

TwinkleTrail

Explore Dublin city through a whole new lens on the magical Dublin City Council TwinkleTrail.

Léigh tuilleadh

More Christmas activities!

Markets

Dublin’s Christmas markets bring a great buzz to the city centre as locals and visitors find great gifts, enjoy fabulous food and enjoy fun activities …

Léigh níos mó >>